Nacaybka maamulka Somaliland ee maanta sii xoogaysanayaa muxuu soo wadaa?

Waxa Daabacay on Jan 8th, 2018 and filed under Daily Somali News. You can follow any responses to this entry through the RSS 2.0. Both comments and pings are currently closed.

 

 

 

 

 

 

 

Awdalpress – London – Farriimaha soo gaadhaya shabakadda awdalpress.com ayaa ah kuwa dhiillo ku ah jiritaanka Somaliland. Waxana cabasho aad u xoog badan laga muujinayaa caddaalad la’aanta, saami qaybsiga beelaha wada dega Somaliland oo aan si siman wax u qaybsan iyo raja xumada Somaliland ee ay beesha caalamku maanta aragtay.

 

 

 

 

Somaliland taariikhdeeda intii ay dhisnayd ma soo marin maamul ka caddaalad xun, ka tayo xun oo ka jahawareer badan ka maanta ka curtay. Ninka odayga ah ee kursiga Madaxtooyada Somaliland cidhiidhsadayna ( Waa Muse Bixiye )  waxa uu bilaabay, aar-goosi keeni kara colaad hor leh, qabiilaysi keeni kara kala qaybsanaan iyo maamul xumo godka ku sii ridda Somalilandda sii dhimanaysa. Waxana ay sidani soo noolaynaysaa AWDAL STATE, XARAKADII SULDAAN WABAR, SSC, KHAATUMO IYO KUWA KALOO BADAN.

 

 

 

 

Codka shacabka ee u badan ka dhallin yarada shaqada la’i, waa mid sheegaya niyad jab iyo jahaweer, oo rajadoodii ku ridday god madaw, waxa ay la il daran yihiin shaqo la’aan amma noloshoodii oo cidhiidhi ku jirta. Kuwa ugu sii daran ee aanu ceella u qodnayn, cidina u maqnaynina waa dhallin yarada gobollada awdal, Sool, Salal iyo Gebilay. Waxase la filayaa in ay dullinimada ka kacaan, ka hadlaan oo ka muddaharaadaan. Somalida ayaa tidhaa NIMAAN HADLAN HOOYADIINA WAX MA SIISO.

 

 

 

Muse Bixi idin maqli maayo haddaydaan dhawaqiinna oo midaysan kor u qaadin. Haddii aad cabsataan amma iska indha tirtaan dhibta idin haysta, cadaadisku waa idinku laban laabmayaa, oo waxa aad ku danbayn doontaan dad gun ah, oo reer reer loo kala jabiyo, lagu dul danaysto. Shaqo iyo wax la mid ahna ha filannina inta aad aammusan tihiin. Ee Musana ku mashquulsan yahay kala qaybintiinna, dhibaatayntiinna ama cadaadintiinna.

 

 

Awdalpress


This post has been viewed 5610 times.

Categories: Daily Somali News
Tags:

Comments are closed

Advertisement

Recently Commented

Archives by Tag

Editorial
Log in Open

/ Ahmedweli Goth by Awdalpress