Jawaari oo Loo Doortay Guddoomiyaha Baarlamanka

Waxa Daabacay on Jan 11th, 2017 and filed under Daily Somali News. You can follow any responses to this entry through the RSS 2.0. Both comments and pings are currently closed.

Xildhibaan Maxamed Sheekh Cusmaan Jawaari ayaa loo doortay inuu noqdo guddoomiyaha baarlamanka cusub ee Soomaaliya kadib doorasho maanta ka dhacday xarunta golaha shacabka ee Muqdisho.

Jawaari ayaa waxa uu ka adkaaday saddex musharax oo kale oo xilkan kula loolamayey kuwaas oo kala ah xildhibaan Cabdirashiid Maxamed Xiddig, xildhibaan Cabdiftaaax Ibraahim Geeseey iyo xildhibaan Idirs Cabdi Dhakhtar.

Guddoomiyaha KMG ee golaha shacabka Cismaan Cilmi Boqore ayaa sheegay in 259 xildhibaan ay codeysay, islamarkaana laba ka mid ah codadkaasi ay xumaadeen.

257-ka cod ee kale ayaa Jawaari waxa uu helay 141 cod, halka xildhibaan Xiddig oo kaalinta labaad galay uu helay 97 cod. Xildhibaan Cabdifataax Geeseey ayaa helay 17 cod, Idiris Cabdi Dhakhtar waxa uu helay laba cod kaliya, sida uu sheegay boqore.

Jawaari ayaa ahaa guddoomiyaha baarlamanka hore ee Soomaaliya ee intii u dhaxeysay 2012 illaa 2016.

Baarlamanka Soomaaliya ayaa waxa uu sidoo kale beri qaban doonaa doorashada guddoomiye ku xigeenka koowaad iyo kan labaad, oo musharaxiin aad u tiro badan ay ku loolamayaan.
VOA


This post has been viewed 915 times.

Categories: Daily Somali News
Tags:

Comments are closed

Advertisement

Recently Commented

Archives by Tag

Editorial
Log in Open

/ Ahmedweli Goth by Awdalpress