Gabaygan la baxay Zaylac waa dhulkaygii oo uu tiriyey Mohamed Abdillaahi Xaaji Obsiye, waxa uu na soo gaadhsiiyey xalay oo ay taarikhdu ahayd 18/02/2013. Gabaygiina waa kani ee ku soo dhawaada

Labadayda dhinacee  Damac soo dhaqaajow

Dhiilkan aad u culateen dhaxalkii awowgay iyo

Dhulkaan gaar u leeyahay

Dhallaan habaabis weeyaan

Dhedo qaawan weeyaan

Dhibic roob ha joogtee

Ceeryaan dhicis ah weeyaan

 

Dherebtii heshiiskee bad dhexdeeda lagu qoray.

Abxaddii la dhigayee Ugaasyo isku dhiibeen

Nidaamkeedii muu dhiman.

Dhagartii xanuunkee dhibaatada badneydee

Ingiriisku dhigayee Yurub uu dhexgeeyee

Dekeddii dhulkaygiyo dhaqaalahaygii lagu rogay

Taariikhday ku dhiggantoo dharaarbaa la sugayaa

Dhuumaha saliiddee dhulka hoose mara iyo

Qaar kaloo ka dhow oo maraakiibtu dheegiyo dhinacyada ka nuugaan

Dhisme noocyo badanoo badda dhinaca ku hayiyo

Waddadii dhaweydee dhagaxii la tuuraa Herer uu ku dhacayeyba

Dhul dhaweeyihii iyo laamiyadu isdhaafaan.

 

Maalintay dhanaanayd ee dhulka laygu soo yugay

Hoggaankaygii dhaqankiyo tuxfihii hadalka kala dhilay (Xaaji Obsiiyeh & Sh.Muuse Cadde)

Waa kuwii dhaqaaqee labadii dhadhaabood kala baxay dhexdoodee

Degmo loogu dhisayee Jaaraahorato laga dhigay

Dabadeed dhawaaqii Gadabuursi soo dhigay

Dhan waliba ka imad iyo dhextaal bay ku roontee

Borama halaga dhigo murti lagu dhameeyee

Dhiisi loo magcaabee sidaa dhagaxa lagu dhigay.

Hal-ku-dhegga murtida iyo haddaan hoos u dhaadhaco

Lahaanshaha dhulkeygani dhawrkan igula noolee

Dhaxdintiyo xigaalka ah raggan dhabarka taabtow

Dhoobadaad walaaqdeen halisbay ku dhawdee

Dhiiggaa sokeeyaha wax ka dheefimayside

Yaan taadu dhimanine aayar cagaha maad dhiggan.

 

Mohamed Abdillahi Xaaji Obsiye.

Saudi Arabia.

This post has been viewed 1213 times.