Awdalpress – Hargeysa – Rabshado Xooggan ayaa caawa ka dhacaya Koonfurta Magaalada Hargeysa, halkaasi oo laga maqlayo dhawaqa Rasaasta Ciidanku ku kala hortageen Taageerayaasha ururka Xaqsoor oo la sheegay in aanu ku qanacsanayn afar xubnood oo uu ka helay Degmada Hargeysa iyo meelo kale.

Dadwayne Gadoodsan ayaa muddaharaad Rabshado wata ka sameeyey xaafadaha Siinaay iyo October ee koonfurta magaalada Hargeysa, Illaa hadda lama oga khasaaraha rabshadahaasi abuureen balse waxaa la sheegayaa in xaaladu aad u kacsantahay ciidanka amaankuna ku hawlanyihiin sidii loo kala dareerin lahaa dadwaynahaasi gadoodsan.

Ciidanka ammaanta iyo kuwa Millatariga oo wata gawaadhida gaashaamman ayaa si xad dhaaf ah loo keenay goobaha ay rabshaduhu ka socdaan. Waxana ay ciidammadaasi si toos ah amarka uga qaadanayaan taliyaha ciidanka qaranka Somaliland iyo Madaxtooyada. Ilaa iyo immigana taliyaha Boliska qaranku kama hadal rabshadahan.

La soco wixii ka soo kordha

Awdalpress.com

This post has been viewed 835 times.